Lanao Del Sur – Tinatayang Php102,000 halaga ng shabu ang nasabat sa PNP-PDEA buy-bust operation na nagresulta sa pagkakaaresto ng tatlong drug personalities sa Brgy. Mapantao, Lumba-Bayabao, Lanao del Sur nito lamang ika-9 ng Agosto, 2022.
Kinilala ni Police Major Muhiddin Pagayawan, Acting Chief of Police ng Lumba-Bayabao Municipal Police Station, ang mga naarestong suspek na sina Bobong Mangacop Pundaodaya, Tomawis Tahib at Amer Omar Paglampa.
Ayon kay PMaj Pagayawan, nakumpiska sa mga suspek ang 15 gramo ng shabu na nagkakahalagang Php102,000, isang cal. 45 pistol, isang magazine ng cal. 45 pistol na may dalawang bala, Php300 cash, Identification Cards, isang cellphone, drug paraphernalia at Php500 na ginamit bilang buy-bust money.
Dagdag pa, naaresto ang mga suspek ng pinagsamang operatiba ng Philippine Drug Enforcement Agency BARMM (lead unit), Lanao del Sur Police Provincial Office at Regional Mobile Force Battalion 14.
Nasa kustodiya na ng PDEA BARMM ang mga naarestong suspek at mga nakumpiskang ebidensya para sa kaukulang disposisyon at pagsasampa ng kaso.
Samantala, pinuri ng PRO BAR Regional Director ang walang humpay na operasyon ng mga operatiba ng PRO BAR at iba pang yunit kontra ilegal na droga.
Dagdag pa niya, dapat maging mapagmatyag sa mga kahina-hinalang aktibidad sa kanilang lugar at itawag agad sa pinaka malapit na himpilan ng pulisya.
###
Panulat ni Patrolman Charlie Nasroden Corpuz
