Cebu City – Tinatayang nasa Php102,000 halaga ng shabu ang nakumpisaka sa inilunsad na buy-bust operation ng mga operatiba ng Police Station 10 ng Cebu City Police Office (CCPO) at Regional Intelligence Unit sa Brgy. Quiot, Cebu City noong Lunes, Enero 23, 2023.
Kinilala ni Police Major Janelito Marquez, Station Chief, ang suspek na si alyas “Emoy”, 54, pamilyado, residente ng Basak San Nicolas, Cebu City.
Kabilang sa mga nakumpiska sa suspek ang nasa 15 gramo ng hinihinalang shabu na may Standard Drug Price na Php102,000, isang coin purse, at buy-bust money.
Nahaharap ang suspek sa paglabag sa Sec. 5 at 11, Art. II ng RA 9165 (Comprehensive Dangerous Drugs Act of 2002).
