Cainta, Rizal – Tinatayang Php102,000 halaga ng shabu ang nasabat sa isang suspek sa ikinasang PNP buy-bust operation nito lamang Martes, Oktubre 4, 2022.
Kinilala ni Police Brigadier General Jose Melencio Nartatez Jr, Regional Director ng Police Regional Office 4A, ang suspek na si Jake Suriaga, 36.
Ayon kay PBGen Nartatez Jr, bandang 6:30 ng gabi naaresto ang suspek sa Lot 1, Blk 12, Kabisig Brgy. San Andres, Cainta, Rizal ng mga operatiba ng Cainta Municipal Police Station.
Narekober sa suspek ang walong pirasong heat-sealed transparent plastic sachets ng hinihinalang shabu na may timbang na 15 gramo at tinatayang nagkakahalaga ng Php102,000, isang sling bag, isang weighing scale, isang pirasong Php500 bill na ginamit bilang buy-bust money at Php1000 bill bilang drug money.
Nahaharap ang suspek sa kasong paglabag sa Section 5 at 11, Article ll ng Republic Act 9165 o Comprehensive Dangerous Drugs Act of 2002.
Lalo pang sikapin ng Cainta PNP ang kampanya laban sa ilegal na droga para mahuli ang mga nagtutulak at gumagamit ng droga at makamit ang mas ligtas, maayos at tahimik na lalawigan ng Rizal.
Source: Police Regional Office 4A
Panulat ni Police Staff Sergeant Donabel Dulin
