Nasabat ang tinatayang Php102,000 halaga ng shabu at arestado naman ang isang indibidwal sa isinagawang operasyon sa Mariboro Drive B Campo Islam, Zamboanga City nito lamang ika-21 ng Oktubre 2024.
Kinilala ni Police Captain Chris John Riego P Sundayan, Officer-In-Charge ng Zamboanga City Police Station 4, ang suspek na si alyas “Wawa”, 21 anyos, lalaki, may asawa, at residente ng Mariboro Drive Barangay Campo Islam, Zamboanga City.
Nagresulta ang operasyon sa pagkakaaresto sa suspek at pagkakakumpiska ng pitong heat-sealed transparent plastic sachets na pinaghihinalaang shabu na may timbang na 15 gramo at tinatayang nagkakahalaga ng Php102,000, marked money at iba pang non-drug evidence.
Mahaharap sa kasong paglabag sa Republic Act 9165 o “Comprehensive Dangerous Drugs Act of 2002” ang suspek.
Patuloy ang Zamboanga City PNP sa mas pagpapaigting ng kampanya kontra ilegal na droga upang masiguro ang kaligtasan ng bawat mamamayan.
Panulat ni Patrolwoman Joyce Franco
