Nasabat ng mga awtoridad ang tinatayang Php102,000 halaga ng hinihinalang shabu mula sa isang High Value Individual (HVI) sa P-2, Barangay Comawas, Bislig City nito lamang ika-6 ng Setyembre, 2024.
Kinilala ni Police Major Magdalino G Pimentel Jr., Acting Chief of Police ng Bislig City Poloce Station, ang suspek na si alyas “Topher”, 34 taong gulang, may live-in partner, laborer, at residente ng nasabing lugar.
Naaresto ang suspek sa bisa ng Search Warrant na inihain ng magkasanib na pwersa ng Bislig City Police Station katuwang ang PDEA Surigao del Sur Provincial Office.
Sa ikinasang operasyon, nakumpiska ang anim na heat-sealed transparent plastic sachets ng hinihinalang shabu na may kabuuang timbang na 15 gramo at may market value na Php102,000.
Kasong paglabag sa Republic Act 9165 o “Comprehensive Dangerous Drugs Act of 2002” ang kakaharapin ng suspek.
Ang matagumpay na operasyon ng PNP ay sumisimbolo ng isang mahalagang hakbang sa pagpapalakas ng seguridad at kaayusan sa bansa na nagpapakita ng tunay na determinasyon ng pulisya na labanan ang krimen at masugpo ang talamak na ilegal na droga sa ating lipunan tungo sa isang maayos at ligtas na Bagong Pilipinas.
Panulat ni Patrolwoman Karen Mallillin
