Don Bosco, Paranaque City — Umabot sa Php102,000 halaga ng hinihinalang shabu ang nasabat sa tatlong suspek sa isinagawang buy-bust operation ng mga operatiba ng Southern Police District – Drug Enforcement Unit nito lamang Lunes, Oktubre 31, 2022.
Kinilala ni PBGen Kirby John Kraft, District Director ng SPD, ang mga suspek na sina Gerardo Co Tunay Jr. alyas “Ali”, 30; Mark Anthony Mercado Mercado, 42; at Jackie Lou Marfil Verano, 31.
Ayon kay PBGen Kraft, bandang alas-7:10 ng gabi ay naaresto ang mga suspek sa kahabaan ng Better Living Subdivision, Barangay Don Bosco, Parañaque City.
Nakumpiska sa kanila ang tinatayang 15 gramo ng umano’y shabu kung saan nakuha rin sa kanila ang dalawang itim na coin purse at Php500 na ginamit bilang buy-bust money.
Nahaharap sa paglabag sa Sections 5 at 11, Art II ng RA 9165 o Comprehensive Dangerous Drugs Act of 2002 ang mga naarestong suspek.
Sinisigurado ng kapulisan ng Southern Metro na hindi hihinto at hindi mapapagod na sugpuin ang talamak na bentahan ng ilegal na droga upang makamit ang drug free na bansa.
Source: SOUTHERN POLICE DISTRICT
Panulat ni PSSg Remelin M Gargantos
