Novaliches, Quezon City — Tinatayang Php102,000 halaga ng shabu ang nasabat sa tatlong suspek sa isinagawang buy-bust operation ng Novaliches Police Station (PS 4) nito lamang Martes, Agosto 30, 2022.
Kinilala ni Quezon City Police District (QCPD) Director, PBGen Nicolas D Torre III, ang mga suspek na sina Rica Mae Marcellano, 21, residente ng Brgy. Bahay Toro, Quezon City; Christopher Cardiel, 36, residente ng Project 8, Quezon City; at Bernard Chew, 38, residente ng Brgy. Bagbag, Novaliches, Quezon City.
Ayon kay PBGen Torre lll, dakong 8:00 ng gabi naaresto ang mga suspek sa harap ng gasoline station na matatagpuan sa kahabaan ng Quirino Hi- way, Brgy. Bagbag, Novaliches, Quezon City ng mga operatiba ng Station Drug Enforcement Unit (SDEU) ng Novaliches PS-4.
Nakumpiska sa mga suspek ang pitong heat-sealed transparent plastic sachet na hinihinalang shabu na may bigat na humigit-kumulang 15 gramo at nagkakahalaga ng Php102,000, isang unit ng motorsiklo, isang cellular phone, at buy-bust money na ginamit sa transaksyon ng droga.
Kakasuhan ang mga suspek ng paglabag sa R.A. 9165 o ang Comprehensive Dangerous Drugs Act of 2002.
Pinuri ni PBGen Torre III ang mga operatiba ng PS 4 sa kanilang walang humpay na pagsisikap sa kampanya laban sa ilegal na droga na nagresulta sa pagkakaaresto sa mga suspek at pagkakakumpiska ng mga ebidensya.
“Ang QCPD ay walang humpay na magtataguyod ng tuntunin ng batas at magpapatupad ng mga probisyon nito upang matiyak ang isang ligtas, mapayapa, at maging drug-free ang Quezon City,” dagdag niya.
Source: Pio Qcpd
Panulat ni PSSg Remelin Gargantos
