Nasabat ang tinatayang Php102,000 halaga ng hinihinalang shabu sa tatlong arestadong kalalakihan sa isinagawang buy-bust operation ng PNP-PDEA BARMM sa Doña Pilar St., College, Poblacion 2, Cotabato City nito lamang ika-7 ng Oktubre 2024.
Kinilala ang mga suspek na sina alyas “Mamot” drug den maintainer, 39 anyos, alyas “Bots”, 20 anyos, alyas “Chard”, 23 anyos.
Naging matagumpay ang ikinasang buy-bust operation ng PDEA BARMM katuwang ang Regional Special Enforcement Team, Maguindanao Maritime Police Station, Regional Drug Enforcement Unit, Cotabato City Police Office – Police Station 1 na nagresulta sa pagkakaaresto sa mga suspek at pagkakakumpiska ng 17 heat-sealed transparent plastic sachets na may bigat na 15 gramo na pinaghihinalaang shabu at tinatayang nagkakahalaga ng Php102,000, buy-bust money, iba’t ibang paraphernalia at isang brown coin purse.
Ang mga naarestong suspek ay mahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Patuloy naman ang Cotabato City PNP katuwang ang ibang ahensya ng pamahalaan na magsasagawa ng sinumpaang tungkulin na hulihin ang mga nagkasala sa batas para sa maayos, mapayapa at maunlad na bagong Pilipinas.
Panulat ni Patrolwoman Ma. Señora J Agbuya
