Ozamiz City – Tinatayang nasa Php102,000 halaga ng hinihinalang shabu ang nakumpiska sa ikinasang Search Warrant Operation ng mga awtoridad sa bahay ng mag-aama sa Purok Traffic Light, Brgy. Tinago, Ozamiz City nito lamang ika-1 ng Abril 2023.
Kinilala ni Police Major Dennis Tano, Officer-In-Charge ng Ozamiz City Police Station, ang mga suspek na sina alyas “Pullet”, 29, na tinaguriang Top 1 PNP/PDEA Target List (Provincial Level); alyas “Jeroil”, 27; alyas “John Paul”; at “Paulet” 53, at residente ng nasabing lugar.
Bandang 4:30 ng madaling araw nang ikinasa ng mga operatiba ng Drug Enforcement Team – Ozamiz City Police Station, Provincial Drug Enforcement Unit, Provincial Mobile Force Company, 2nd PMFC – Misamis Occidental.
Nakuha sa operasyon ang 40 piraso ng pakete ng hinihinalang shabu na may kabuuang bigat na 15 gramo na nagkakahalaga ng Php102,000, apat na bala ng 5.56mm, tatlong aluminium foil, dalawang lighter, 11 na android cellphones, apat na keypad cellphone, tatlong tablet at perang nagkakahalaga ng Php76,000.
Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang Pambansang Pulisya sa pagsasagawa ng mga operasyon laban sa ilegal na droga at iba’t ibang uri ng kriminalidad upang mapanatili ang kaayusan at payapa ang nasasakupang komunidad para sa tuloy-tuloy na pag-unlad.
Panulat ni Patrolman Joshua Fajardo/RPCADU10
