Tinatayang Php102,000 halaga ng shabu ang nakumpiska mula sa isang indibidwal sa isinagawang operasyon ng Bukidnon PNP sa P-2, Barangay Sinuda, Kitaotao, Bukidnon nito lamang ika-23 ng Disyembre 2024.
Kinilala ni Police Colonel Jovit L Culaway, Provincial Director ng Bukidnon Police Provincial Office, ang suspek na si alyas “Ar-ar”, 27 anyos, residente ng nasabing lugar.
Sa isinagawang operasyon, nasamsam ang 15.5 gramo ng hinihinalang shabu na may halagang Php102,340.
Nahaharap ang drug suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Patunay lamang na hindi titigil ang PNP sa pagsugpo laban sa iligal na droga para sa payapa at ligtas na nasasakupang komunidad.
Panulat ni Pat Danessa B Berdos
