Davao City – Tinatayang Php102,000 halaga ng hinihinalang shabu ang nasabat ng mga otoridad sa buy-bust operation sa isang drug-den sa Brgy. 20-C, Obrero, Davao City, noong Hulyo 16, 2022.
Kinilala ni PMaj Jake Goles, Station Commander ng nasabing istasyon ang mga suspek na si Ernesto Ponce De Leon Avelino alyas “Noning”, 53, residente ng Brgy. Iwha, Davao City na tinaguriang High Value Target; Alice Fernando, 52, residente ng Brgy. 20-C, Obrero, Davao City at si Roland Fernardo Misoles, 28, residente ng Zone II St. Jude, Buhangin, Davao City.
Ayon kay PMaj Goles, naaresto ang mga suspek sa isinagawang buy-bust operation ng pinagsamang tauhan ng Sta. Ana PS kasama ang Regional Special Enforcement Team; Special Intelligence Unit-Sasa katuwang ang PDEA XI at NBI XI-Semro.
Ayon pa kay PMaj Gelos, nakuha mula sa mga suspek ang ilang pakete ng hinihinalang shabu na may bigat na humigit kumulang 15 gramo na may street market value na Php102,000 at marked money na ginamit sa operasyon.
Ang mga suspek ay nasa kustodiya na ng nasabing istasyon upang sampahan ng kasong paglabag sa Republic Act 9165 o Comprehensive Dangerous Drugs Act of 2002.
Samantala, pinuri naman ni PBGen Benjamin Silo Jr., Regional Director ang nasabing operasyon sa matagumpay na pagkakadakip sa mga suspek at pagkakadiskubre sa drug-den sa lungsod.
###
Panulat ni Patrolman Alfred Vergara
