Naga City – Tinatayang nasa Php102,000 halaga ng droga ang nakumpiska sa limang suspek sa inilunsad na Search Warrant operation ng Naga City PNP at PDEA RO5 sa Zone 7, Barangay Triangulo, Naga City nito lamang Lunes, Oktubre 10, 2022.
Kinilala ni PCol Nelson A Pacalso, City Director ng Naga City Police Office, ang mga suspek na sina Rachel C Napase, 23; Roy C Napase, 29; Redeña C Napase, 35 at parehong mga residente ng nabanggit na lugar; Pinky M Cuesta, 32, may kinakasama at residente ng Leyte; at Jomar P Tinoy, 32, residente ng Naga City.
Ayon kay PCol Pacalso, bandang 4:48 ng hapon ng isinagawa ang Search Warrant operation ng pinagsanib na mga operatiba ng Naga City Police Office at PDEA Camarines Sur sa bahay ng magkapatid na Rachel at Roy na nagresulta sa pagkakakumpiska sa 15 gramo ng hinihinalang shabu na nagkakahalaga ng Php102,000.
Nahaharap ang mga suspek sa kasong paglabag sa RA 9165 o ang Comprehensive Dangerous Drugs Act of 2002.
Ang PRO5 ay patuloy na maglulunsad ng mga operasyon katuwang ang PDEA RO5 upang sugpuin ang paglaganap ng ilegal na droga sa rehiyon.
“We shall endeavor to devise strategies and new approach for us to effectively curb this problem. We are not letting our guards down but instead remain persistent to continue what we have started. Katuwang ang pamayanan, ating mas palakasin ang puwersa sa pagpuksa sa ilegal na droga ng ating makamtan ang isang maayos, mapayapa at maunlad na rehiyon,” pahayag ni PBGen Rudolph B Dimas, RD, PRO5.
