Zamboanga City – Dalawang Lalaki ang arestado sa isinagawang buy-bust operation ng Zamboanga City PNP nito lamang Abril 24, 2023.
Kinilala ni Police Major Albert Alfaro, Acting Station Commander ng Zamboanga City Police Station 11, ang mga suspek na si alyas “Babat”, Street Level Individual, 27, walang asawa at residente ng Zone 6 Mulu-Muluan Brgy. Mercedes, Zamboanga City at alyas “Rasid”, 39, walang asawa at residente ng Brgy. Baliwasan, Zamboanga City.
Ayon kay PMaj Alfaro, bandang 9:22 ng gabi nang mahuli ang mga suspek sa Xanadu Village, Brgy. Baliwasan, Zamboanga City sa pinagsanib na puwersa ng mga operatiba ng Zamboanga City Police Station 11 at Regional Intelligence Unit 9.
Nakumpiska sa mga suspek ang limang transparent plastic sachets na naglalaman ng hinihinalang shabu na may timbang na 15 gramo at nagkakahalaga ng Php102,000 at pekeng pera na ginamit bilang boodle money.
Mahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Ang PNP ay patuloy na paiigtingin ang kampanya kontra ilegal na droga at kriminalidad para sa mas mapayapa at ligtas na komunidad.
Panulat ni Patrolman John Ronald Tumonong/RPCADU9
