Narekober ang tinatayang Php100,000 halaga ng smuggled cigarettes sa isinagawang operasyon ng mga tauhan ng Wao Municipal Police Station sa Purok-1, Barangay Banga, Wao, Lanao del Sur nito lamang ika-21 ng Hunyo 2024.
Ayon kay Police Major Knievil J Salem, Hepe ng Wao MPS, nakatanggap ang naturang istasyon ng isang impormasyon galing sa isang concerned citizen tungkol sa mga iniwang hinihinalang smuggled cigarettes.
Agad namang tinungo ng mga awtoridad ng Wao Municipal Police Station katuwang ang Provincial Drugs Enforcement Unit/Provincial Special Operations Group at 3rd Platoon, 1st Provincial Mobile Force Company ang naturang lugar upang beripikahin ang ulat.
Nakarekober ang apat na kahon na naglalaman ng 200 reams ng San Diego brand ng sigarilyo na walang Graphic Health Warning at may tinatayang halagang Php100,000.
Ang PNP ay patuloy na magsasagawa ng pinalawak na pagkalap ng intelligence information upang mapigilan ang smuggled cigarettes at mapanatiling ligtas ang kanilang nasasakupan.
Panulat ni Patrolwoman Veronica Laggui
