Cabuyao City, Laguna – Tinatayang Php100,000 halaga ng shabu ang nakumpiska sa magkapatid sa isinagawang buy-bust operation ng Cabuyao City PNP sa Brgy. Baclaran, Cabuyao City, Laguna nito lamang Biyernes, Agosto 19, 2022.
Kinilala ni Police Brigadier General Melencio Nartatez Jr., Regional Director, Police Regional Office 4A, ang magkapatid na sina Emma Del Mundo y Tayo, 54, walang asawa, walang trabaho at Luis Del Mundo y Tayo, 60, may asawa, fish vendor.
Ayon kay PBGen Nartatez, naaresto ang magkapatid sa naturang lugar ng mga operatiba ng Cabuyao City Drug Enforcement Unit.
Narekober mula sa magkapatid ang anim na pirasong heat-sealed transparent plastic sachets na tumitimbang ng 15 gramo ng hinihinalang shabu na may tinatayang halaga na Php100,000, isang pirasong Php500 bill bilang buy-bust money at isang itim na coin purse.
Nahaharap ang magkapatid sa kasong paglabag sa Section 5 at 11, Article II ng Republic Act 9165 o Comprehensive Dangerous Drugs Act of 2002.
Patuloy ang PNP sa lalong pagpapaigting sa kampanya laban sa ilegal na droga para maiwasan ang buhay na mapapariwara lalo na sa mga kabataan.
Source: Police Regional Office 4A
###
Panulat ni Police Staff Sergeant Donabel Dulin
