Davao City – Tinatayang aabot sa Php100,800 halaga ng hinihinalang shabu ang nasabat sa isinagawang buy-bust operation ng San Pedro PNP sa Purok 7, Kawayanan, Brgy. 8-A, Davao City, noong Enero 3, 2022.
Kinilala ni PMaj Marvin Hugos, ang suspek na si alyas “Edison”, 25, residente ng Brgy. 2-A, Davao City.
Ayon kay PMaj Hugos, naaresto ang suspek matapos mahuli sa akto ng pagbebenta ng ilegal na droga sa nagpanggap na poseur buyer na tauhan ng San Pedro Police Station.
Dagdag pa ni PMaj Hugos, nakuha mula sa suspek ang ilang pakete ng hinihinalang shabu na may bigat na humigit kumulang 6.3 gramo na may street market value na Php100,800 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang matagumpay na operasyon kontra sa ilegal na droga sa lungsod ay bunga ng pagsisikap ng Police Regional Office 11 na gawing drug-free ang rehiyon onse at sa malasakit na ipinapakita ng mga mamamayan sa kapulisan ay makakamit ang kaayusan at kapayapaan tungo sa kaunlaran ng bansa.
Panulat ni Patrolman Alfred Vergara
