Jolo, Sulu – Tinatayang 10.2 milyong halaga ng shabu ang nakumpiska sa isinagawang buy-bust operation ng PNP at PDEA noong Mayo 31, 2022.
Kinilala ni Police Major Annidul Sali, Chief of Police ng Jolo Municipal Police Station ang mga suspek na sina Alnasir Ismun at Al-amin Sahipa.
Ayon kay PMaj Sali, naaresto ang mga suspek sa Brgy. Walled City, Jolo, Sulu ng pinagsanib na pwersa ng Jolo MPS, 7 Special Action Battalion, PNP SAF, PDEA BARMM, Regional Intelligence Unit 9, National Intelligence Coordination Agency 9, Sulu PFU CIDG, Regional Mobile Force Battalion BASULTA, Sulu Provincial Intelligence Unit, Sulu 1st and 2nd PMFC at 35th Infantry Battalion ng Philippine Army.
Nakumpiska mula sa mga suspek ang 10 sachet na naglalaman ng pinaniniwalaang shabu na tinatayang may bigat na 1,500 grams na may Standard Drug Price na Php10,200,00.
Samantala, nakumpiska rin mula sa mga suspek ang buy-bust money na ginamit, dalawang cellphone, dalawang valid Identification Card, isang OR and CR, at isang Honda ADV Scooter.
Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
###
Panulat ni Patrolman Mark Vincent Valencia
