Aabot sa Php10,200,000 halaga ng ilegal na droga ang nakumpiska ng mga awtoridad sa buy-bust operation sa Sitio Upper, Barangay Bacayan, Cebu City nitong Martes, Abril 9, 2024.
Kinilala ni Police Lieutenant Colonel Jomar Dela Cerna, Chief ng Regional Police Drug Enforcement Unit (RPDEU) ng Police Regional Office 7, ang suspek na si alyas “Keneth”, 26, residente ng nasabing lugar.
Isinagawa ang operasyon ng mga operatiba ng RPDEU 7, bandang 7:45 ng gabi na kung saan ay nadakip ang suspek at nasamsam ang nasa 1.5 kilo ng pinaniniwalaang shabu na may Standard Drug Price na Php10,200,000, at buy-bust money.
Mahaharap ang suspek sa kasong paglabag sa Section 5 at 11, Article II ng Republic Act 9165 o ang “Comprehensive Dangerous Drugs Act of 2002”.
Katuwang ang iba’t ibang ahensya ng pamahalaan, walang tigil ang mga kapulisan sa kanilang operasyon laban sa ilegal na droga upang mapanagot ang mga indibidwal na nasa likod ng mga ilegal na gawain na ito.
Source: Spot Report from RPDEU7
Panulat ni Pat Carla Jane Tanio
