Nakumpiska ng Talisay City PNP ang Php10.2 milyong halaga ng hinihinalang shabu mula sa babaeng drug suspek sa isinagawang buy-bust operation sa Yongco Compound, Barangay Bulacao, Talisay City, Cebu, noong ika-19 ng Hulyo 2024.
Kinilala ni Police Lieutenant Colonel Epream G Paguyod, Chief of Police ng Talisay City Police Office, Cebu Police Provincial Office, ang babaeng suspek na si “Annabel”, 22 anyos at residente ng Sitio Hawud, Barangay Bulacao, Talisay City, Cebu.
Bandang 12:48 ng madaling araw ng ikinasa ng kapulisan ang naturang operasyon na nagresulta sa pagkaaresto ng suspek at pagkasabat ng 15 pakete ng hinihinalang shabu na may timbang na 1,500 gramo at may Standard Drug Price na Php10,200,000, buy-bust money, blue shoulder bag at black Oppo na cellphone.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Talisay City PNP ay patuloy sa pagpapaigting ng kanilang kampanya na labanan ang mga sindikato ng droga at anumang uri ng kriminalidad dahil sa Bagong Pilipinas, ang gusto ng pulis, ligtas ka!.
Source: Talisay CPS
Panulat ni Pat Grace Coligado
