Nadiskubre ng mga operatiba ang tinatayang Php1,920,000 halaga ng Fully Grown Marijuana Plants sa isinagawang marijuana eradication sa Barangay Loccong, Tinglayan, Kalinga nito lamang ika-12 ng Hulyo 2024.
Ayon kay Police Colonel Gilbert A Fati-ig, Provincial Director ng Kalinga Police Provincial Office, naging matagumpay ang operasyon sa pinagsanib na pwersa ng mga kapulisan sa pangunguna ng Tinglayan MPS katuwang ang Kalinga 1st at 2nd PMFC, Provincial Drug Enforcement Unit/Provincial Intelligence Unit, Kalinga PPO, at Philippine Drug Enforcement Agency-Kalinga.
Ang operasyon ay nagresulta sa pagkadiskubre ng isang plantasyon ng marijuana sa isang communal forest na may kabuuang lawak na 800 square meters na may nakatanim na humigit kumulang 9,600 na piraso ng Fully Grown Marijuana Plants na nagkakahalaga ng Php1,920,000 Standard Drug Price.
Bagamat walang nahuling cultivator, lahat ng nadiskubreng fully grown marijuana plants ay binunot at sinunog sa mismong lugar.
Pinuri naman ni PCol Fati-ig ang mga operatiba sa kanilang matagumpay na operasyon at sinisiguro naman na lalo pang paiigtingin ang kanilang kampanya kontra sa ilegal na droga sa kanilang nasasakupan.
Panulat ni PSSg Juderick S Tasing
