Arestado ang isang High Value Individual sa isinagawang anti-illegal drug operation ng City Drug Enforcement Unit – Zamboanga City Police Office nito lamang ika-13 ng Marso 2024.
Kinilala ni Police Colonel Kimberly E Molitas, Officer-In-Charge, ZCPO, ang naarestong suspek na 25 taong gulang, may asawa at residente ng Barangay Sta. Catalina, Zamboanga City.
Ayon kay PCol Molitas, naging matagumpay ang pagkakaaresto sa suspek dahil sa pinagsanib na pwersa ng mga operatiba ng CDEU-ZCPO kasama ang Criminal and Investigation Unit – ZCPO at MC Cops- ZCPO at PDEA.
Nakumpiska mula sa suspek ang limang piraso ng heat-sealed transparent plastic sachet na may laman ng hinihinalang shabu na may timbang na 270 gramo at tinatayang nagkakahalaga ng Php1,836,000; isang itim na belt bag; 49 na piraso ng Php1,000 na boodle money; at isang Php1,000 bilang marked money.
Ang pagkakaaresto sa suspek ay bunga ng matagumpay na kampanya ng PNP kontra ilegal na droga alinsunod sa programa ng gobyerno sa pagtugis sa mga taong nagkasala sa batas at pagbuwag sa ilegal na aktibidad hinggil sa droga upang makamit ang ligtas, maunlad at mapayapang Bagong Pilipinas.
Panulat ni Patrolwoman Melanie P Mapa
