Tinatayang Php1,800,000 halaga ng marijuana plants ang nadiskubre ng mga operatiba ng Kalinga PNP sa isinagawang marijuana eradication sa Barangay Tulgao East, Tinglayan, Kalinga nito lamang ika-7 ng Setyembre 2024.
Ayon kay Police Colonel Gilbert A Fati-ig, Provincial Director ng Kalinga Police Provincial Office, ang matagumpay na operasyon ay ikinasa ng pinagsanib na pwersa ng mga pulisya sa pangunguna ng Tinglayan Municipal Police Station, Provincial Drug Enforcement Unit, Kalinga Police Provincial Office at Philippine Drug Enforcement Agency Cordillera.
Ang operasyon ay nagresulta sa pagkadiskubre ng isang plantasyon ng marijuana na may lawak na 600 square meters at may nakatanim na tinatayang 9,000 piraso ng Fully Grown Marijuana Plants na nagkakahalaga ng Php1,800,000 Standard Drug Price.
Bagamat walang nahuling cultivator, lahat ng nadiskubreng marijuana ay naidokumento at sinunog sa mismong lugar.
Pinuri naman ni PCol Fati-ig ang mga operatiba sa kanilang matagumpay na operasyon at sinisiguro naman na lalo pa nilang paiigtingin ang kanilang kampanya kontra sa ilegal na droga, gayundin upang matuldukan ang paglaganap ng pinagbabawal na gamot sa kanilang nasasakupan.
Ang pagpuksang ito ng PNP ay patuloy na pagsuporta sa kasalukuyang administrasyon na naglalayong maging illegal drug free ang ating bansa tungo sa mas progresibong Bagong Pilipinas.
Panulat ni Patrolwoman Melba Langbis
