Mabalacat City, Pampanga (January 14, 2022) – Sa maigting na kampanya ng Pampanga Police Provincial Office kontra ilegal na droga, nakakumpiska ng Php1.7 milyong halaga ng shabu at arestado ang tatlong (3) suspek umaga ng Enero 14, 2022 sa Mabalacat City, Pampanga.
Kinilala ni Police Colonel Robin Sarmiento, Acting Provincial Director, ang mga naarestong suspek na sina Alvin Cortez, 44 taong gulang, Rosalinda Dizon, 31 taong gulang, at Orlando Cortez, 54 taong gulang mula sa Xevera Subdivison, Mabalacat City, Pampanga. Nahuli ang mga ito sa pamamagitan ng ikinasang buy-bust operation ng pinagsanib puwersa ng Regional Police Drug Enforcement Unit-3 (RPDEU3), Special Concern Unit 3-Regional Intelligence Division (SCU3-RID) at Mabalacat City Police Station sa Brgy. Sta. Maria, Mabalacat City.
Nakuhang ebidensya mula sa mga suspek ay dalawang (2) pirasong plastic bags at isang (1) plastic sachet na naglalaman ng hinihinalang shabu na may timbang na 250 gramo; buy-bust money; isang (1) yunit ng pulang Toyota Vios at iba pang ebidensya.
Haharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Samantala, patuloy na paiigtingin ng mga tauhan ng Pampanga PPO ang kampanya laban sa mga ilegal na droga para sa mapayapa at drug-free na probinsiya.
#####
Panulat ni Police Corporal Maria Elena Delos Santos
