Nakumpiska ang tinatayang Php1.7 milyong halaga ng shabu sa isang high value na drug suspek sa buy-bust operation ng PNP sa Tipolo Ville, Brgy. Guadalupe, Cebu City noong Enero 6, 2024.
Kinilala ni Police Captain Rexel Yosores, Police Station 9, Cebu City Police Office, ang suspek na si alyas Opaw, isang high profiled drug personality at residente ng 556 P Del Rosario Ext., Brgy Sambag 1, Cebu City.
Ang matagumpay na operasyon ay bunga ng mahusay na koordinasyon ng pulisya at PDEA.
Kumpiskado mula sa suspek ang tinatayang nasa 250 gramo ng shabu na may halaga na Php1,700,000, sling bag na ginamit bilang lagayan ng droga, at buy-bust money.
Nahaharap at sinampahan na ng mga kasong paglabag sa Sec. 5 at 11, Art. II ng RA 9165 ang suspek.
Ang buong puwersa ng kapulisan ng lungsod ay patuloy sa pagpapaigting at pagpapahusay sa kampanya kontra ilegal na droga.
