Tinatayang Php1,764,000 halaga ng smuggled cigarettes ang nakumpiska sa dalawang indibidwal sa isinagawang operasyon ng mga awtoridad nito lamang ika-13 ng Nobyembre 2024 sa Quezon, Bukidnon.
Kinilala ni Police Lieutenant Colonel Nole F Cano, Hepe ng Quezon Municipal Police Station, ang dalawang suspek na sina alyas “Boboy” 36 taong gulang, residente ng Zamboanga Sibugay at si alyas “Julio”, 39 taong gulang, residente ng Pagadian City.
Naging matagumpay ang operasyon sa pagsisikap ng Quezon Municipal Police Station katuwang ang Regional Special operation Unit 10, Bukidnon Provincial Intelligence Unit at 2nd Bukidnon Provincial Mobile Force Company.
Sa operasyon ay nakumpiska ang 98 na mga kahon ng iba’t ibang brand ng smuggled cigarettes na nasa loob ng isang Van na nagkakahalaga ng Php1,764,000.
Nahaharap ang mga suspek sa kasong paglabag sa Republic Act 10643 o The Graphic Health Warning Law.
Pahayag naman ni Police Colonel Jovit L Culaway, Provincial Director ng Bukidnon Police Office, “The successful operation is a testament to the continued commitment of the law enforcement to combat illicit trade and protect public health. The PNP remains steadfast in its efforts to enforce anti-smuggling laws and ensure that those involved in illegal activities face the full extent of the law.”
