Capiz – Tinatayang Php1.7 Milyong halaga ng shabu ang nasamsam sa buy-bust operation ng Roxas City PNP na nagresulta sa pagkakaaresto ng isang High Value Individual sa Brgy. V, Roxas City, Capiz noong ika-30 ng Marso 2023.
Kinilala ni Police Lieutenant Colonel Fancisco Pagiua, Officer-In-Charge ng Roxas City Police Station, ang suspek na si alyas “Cherry Ferrer”, 38, isang online seller, LGBTQ member, listed HVI, at residente ng Brgy. Tiza, Roxas City, Capiz.
Ayon kay PLtCol Paguia, ang suspek ay nasakote ng mga operatiba ng Station Drug Enforcement Team ng Roxas City Police Station na pinangunahan ni Police Captain Rey Cordas.
Ayon pa kay PLtCol Pagiau, narekober kay Ferrer ang tatlong piraso ng heat-sealed transparent plastic sachets ng suspected shabu, isang piraso ng knot-tied transparent plastic sachet ng suspected shabu at may kabuuang timbang na 250 gramo at may tinatayang halaga na Php1,700,000 at mga non-drug items.
Ang suspek ay nahaharap sa kasong paglabag sa RA 9165 o ang Comprehensive Dangerous Drugs Act of 2002.
Tinitiyak naman ni Roxas City PNP na kanilang ipagpapatuloy ang maayos at mahusay na pagpapatupad ng kanilang mga hakbangin upang lutasin ang problema sa ilegal na droga at mapanatili ang kaayusan, kapayapaan, at kaligtasan ng mamamayan sa kanilang nasasakupan.
