Nasakote ng Dumaguete City PNP ang Php1.7 milyong halaga ng hinihinalang shabu sa isinagawang buy-bust operation sa Purok Yellow Tops Zone 4, Barangay Candau-ay, Dumaguete City, Negros Oriental, noong ika-9 ng Setyembre 2024.
Kinilala ni Police Lieutenant Colonel Don Richmon T Conag, Officer-In-charge ng Dumaguete City Police Station, Negros Oriental Police Provincial Office, ang suspek na si alyas “Junny”, 40 anyos at residente ng Purok Iba, Barangay Palinpinon, Valencia, Negros Oriental.
Bandang 11:45 ng gabi ng kinasa ng kapulisan ang naturang buy-bust operation na nagresulta sa pagkaaresto ng suspek at pagkasabat ng siyam na pakete ng hinihinalang shabu na may timbang na 250 gramo at may Standard Drug Price na Php1,700,000 at navy blue belt bag.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang matagumpay na operasyon ay bunga ng pinagsanib-pwersa ng Dumaguete City CDEU, PDEU, PNP DEG/SOU7 at RPDEU7/RID7.
Ito ay bunga ng maayos na pagpapatupad ng Dumaguete City PNP ng kampanya kontra ilegal na droga at lahat ng uri ng kriminalidad upang tuluyang masugpo ang ipinagbabawal na droga, tungo sa maunlad na Bagong Pilipinas.
Source: NOPPO SR
