Davao City – Tinatayang Php1,700,000 halaga ng hinihinalang shabu ang nasabat ng mga tauhan ng PNP sa buy-bust operation sa Brgy.Talomo, Davao City, noong Hunyo 15, 2022.
Kinilala ni PMaj Michael Uyanguren, Station Commander ng Talomo Police Station, ang suspek na si Edwin Falcon Herna, 47, residente ng Jerome Agdao, Davao City.
Ayon kay PMaj Uyanguren, nakuha mula sa suspek ang 11 pakete ng hinihinalang shabu na may bigat na humigit kumulang 100 gramo at tinatayang may halaga na Php1,700,000 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang nasabing operation ay isa lamang sa mga ginagawang pagsisikap ng Police Regional Office 11 upang maabot ang kanilang layunin na gawing drug free ang Rehiyong Onse sa pamumuno ni PBGen Benjamin Silo Jr., PRO11 Regional Director.
###
Panulat ni Patrolman Alfred Vergara
