Nasamsam ang tinatayang Php1,700,000 halaga ng hinihinalang shabu sa isinagawang operasyon ng mga awtoridad ng Regional Drug Enforcement Unit 9 sa Zone 5, Barangay Divisoria, Zamboanga City nito lamang ika-4 ng Setyembre 2024.
Kinilala ni Police Captain Vincent E Perez, Officer-In-Charge ng Regional Drug Enforcement Unit 9, ang suspek na sina alyas “Juls”, 47 anyos, lalaki, may asawa, at residente ng Barangay Kansanyangan, Zamboanga City at si alyas “Jim”, 39 anyos, lalaki, may asawa, at residente ng Barangay Baliwasan, Zamboanga City.
Nakumpiska mula sa mga suspek ang limang heat-sealed transparent plastic sachets na naglalaman ng shabu na may timbang na 250 gramo na nagkakahalaga ng Php1,700,000, isang parcel plastic pack with J&T marking used as container, isang piraso ng Php1,000 bill, 349 piraso ng Php1,000 bill na ginamit bilang buy-bust money, isang unit ng motorcycle Honda 125 Click color red/black at isang unit ng Nmax gray/black at iba pang mga kagamitan.
Samantala mahaharap ang mga suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Patunay lamang na ang Pambansang Pulisya ng Pilipinas katuwang ang ibang ahensya ng pamahalaan ay hindi nagpapabaya sa kanilang sinumpaang tungkulin na hulihin ang mga taong tiwalag sa batas, mapanatiling ligtas ang komunidad, at ipatupad ang kapayapaan ng bansa para sa mas maunlad na Bagong Pilipinas.
