Kiblawan, Davao del Sur – Sinira ng mga tauhan ng PNP ang nadiskubreng Php1,700,000 halaga ng marijuana sa isinagawang Marijuana Eradication sa Sitio Kiarang, Brgy. Bulol-salo, Kiblawan, Davao del Sur, nito lamang Lunes, Abril 18, 2022.
Sa pangunguna ni PCpt Ian Marc Polestico, Acting Chief of Police ng Kiblawan Municipal Police Station ay binunot at sinunog ang tinatayang 8,467 fully grown marijuana plant na nakatamin sa 1,500 square meters na lupain.
Ayon kay PCpt. Polestico ay patuloy na inaalam ang nasa likod ng pagtatanim ng mga nasabing marijuana.
Ito ay matapos madiskubre din ang Php2,200,000 halaga ng marijuana sa kalapit na lugar sa Sitio Acbuling, nito lamang Linggo, Abril 17, 2022.
Alinsunod sa Anti-illegal Drugs Operation through Reinforcement and Education o ADORE na programa ni PNP Chief PGen Diornardo Carlos ay hindi naman titigil ang Police Regional Office 11 sa pamumuno ni PBGen Benjamin Silo Jr, PRO 11, Regional Director na tugisin ang mga nasa likod ng pagtatanim ng marijuana sa Rehiyon Onse at makamit ang layunin nito na maging Drug Free ang rehiyon.
Photo by: KAMM Media Network
###
Panulat ni Patrolman Preal Cris Edosma
