Nasamsam ng mga awtoridad ang mahigit Php1.6 milyong halaga ng shabu mula sa isang High Value Individual sa isinagawang buy-bust operation sa Montecello Subdivision, Barangay Balabag, Pavia, Iloilo, nito lamang ika-25 ng Marso 2025.
Naging matagumpay ang operasyon sa pinagsanib na pwersa ng Iloilo Police Provincial Office (IPPO), Police Drug Enforcement Unit (PDEU), katuwang ang Pavia Municipal Police Station at Provincial Intelligence Unit (PIU-IPPO).
Kinilala ni Police Major Dadje B Delima, Chief ng PDEU, ang suspek na si alyas “Redzon,” 52-anyos, residente ng Barangay Desamparados, Jaro District, Iloilo City, ngunit pansamantalang naninirahan sa Pavia at itinuturing na isang High Value Individual.
Nakuha sa pag-iingat ni alyas “Redzon” ang humigit kumulang 240 gramo ng hinihinalang shabu na may Standard Drug Price na Php1,632,000.
Nahaharap ang suspek sa kasong paglabag sa Republic Act 9165 o ang “Comprehensive Dangerous Drugs Act of 2002”.
Patuloy ang maigting na kampanya ng Iloilo Police Provincial Office (IPPO) laban sa iligal na droga upang linisin ang ating mga komunidad mula sa mga mapanirang bisyo.
Ang matagumpay na operasyong ito ay patunay ng dedikasyon ng ating kapulisan sa pagpapanatili ng kapayapaan, kaayusan, at kaligtasan sa buong Western Visayas.
Source: PCADGWesternVisayas
Panulat ni Pat Andrea Dominique Depalubos
