Iloilo City – Tinatayang Php1.6 milyong halaga ng shabu ang nakumpiska sa buy-bust operation ng PNP sa Villa Carolina Subdivision Zone 4B, Blk 9, Brgy. Caingin, Lapaz, Iloilo City nito lamang ika-4 ng Agosto 2022.
Kinala ni Police Lieutenant Colonel Antonio P Benitez Jr., Officer-In-Charge at Special Drug Enforcement Team ng Iloilo City Police Station 2, ang mga suspek na sina Moncarl Alarde y Eulojio alyas “Moncarl” 28, isang High Value Individual, residente ng Villa Carolina Subd. Zone 4 Brgy. Caingin Lapaz, Iloilo City; Jhon Vincent Solinap y Ybsernas, 28, isang High Value Individual, residente ng Brgy. Ginubatan, Leganes Iloilo; John Feeby Inayan y Vaiking alyas “JanJan” 29, residente ng Lot 5 at 6 Villa Carolina Subd. Brgy. Caingin Lapaz, Iloilo City; at Alberto Lopez y Ybsernas, 29, residente naman ng Brgy. Hipodromo, Delgado St. Iloilo City.
Ayon kay PLtCol Benitez Jr, naaresto ang mga suspek sa pinagsanib pwersa ng Regional Police Drug Enforce Unit 6 at Special Drug Enforcement Team ng Iloilo City Police Station 2.
Ayon pa kay PLtCol Benitez Jr, nakumpiska sa mga suspek ang anim na piraso ng heat-sealed transparent plastic sachet, dalawang pirasong transparent plastic bag na parehong naglalaman ng hinihinalang shabu na may timbang ng 240 grams at may market value na Php1,632,000, Php30,000 buy-bust money, isang unit ng 380 cal pistol, .22 caliber revolver at iba pang kagamitan.
Nahaharap ang mga suspek sa kasong paglabag ng Republic Act 9165 o Comprehensive Dangerous Drugs Act of 2002.
Sinisiguro ng Iloilo City PNP na paiigtingin pa nito ang kampanya at operasyon nito laban sa ilegal na droga at mapanagot ang mga lumalabag sa batas.
###
