Tinatayang Php1.6 milyong halaga ng marijuana ang nadiskubre at sinunog sa isinagawang marijuana eradication ng mga awtoridad sa Sitio Saleng, Brgy. Madaymen, Kibungan, Benguet nito lamang ika-7 ng Disyembre 2023.
Ayon Kay Police Colonel Damian Olsim, Provincial Director ng Benguet Police Provincial Office, ang operasyon ay naging matagumpay sa pamamagitan ng pagtutulungan ng mga operatiba ng Kibungan PNP, PDEU/PIU, Benguet PPO, RID at PDEA Car na nagresulta sa pagkadiskubre ng dalawang plantasyon.
Sa unang plantasyon ay natagpuan ang 800 fully grown marijuana plants na may SDP na Php160, 000 at sa pangalawang plantasyon ay mga marijuana dried stalks na may Standard Drug Price na PhP1,440, 000.
Bagama’t walang nahuling cultivator sa nasabing lugar ay agad namang binunot at sinunog ng mga operatiba ang mga nasabing marijuana.
Ang Benguet PNP ay muling nananawagan sa publiko na itigil ang pagtatanim ng marijuana dahil hindi titigil sa pagpapaigting ng kampanya kontra ilegal na droga ang mga awtoridad para mahuli ang mga nagtatanim at nag-aangkat ng ipinagbabawal na halaman.
