Nasakote sa dalawang High Value Individual ang Php1.4 milyong halaga ng hinihinalang shabu sa isinagawang buy-bust operation ng Cebu City PNP sa Sitio Bamboo, Barangay Basak Pardo, Cebu City, noong ika-18 ng Hunyo 2024.
Kinilala ni Police Major Jeciree S Basitao, Station Commander ng Police Station 7, Cebu City Police Office, ang mga High Value Individual na sina “Melo”, 53 anyos at “Sean”, 34 anyos, na parehong mga residente ng Sitio Ubca 3, Barangay Quiot Pardo, Cebu City.
Bandang 7:45 ng umaga nang ikinasa ng kapulisan ang nasabing operasyon na nagresulta sa pagkakaaresto ng mga suspek at pagkakasabat ng anim (6) na pakete ng hinihinalang shabu na may timbang na 210 gramo at may Standard Drug Price na Php1,428,000, at buy-bust money.
Mahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Patuloy ang kampanya ng Cebu City PNP na panatilihing ligtas ang komunidad at sugpuin ang problema sa ilegal na droga dahil sa Bagong Pilipinas, ang gusto ng pulis, ligtas ka!.
Source: CCPO SR
Panulat ni Pat Grace Coligado
