Cebu – Tinatayang nasa 3,612 stalks ng fully grown marijuana na nagkakahalaga ng Php1,444,800 ang sinunog ng mga awtoridad mula sa cultivator na naaresto sa inilatag na operasyon sa Sitio Quo, Barangay Gaas, Balamban, Cebu noong Biyernes, Abril 14, 2023.
Kinilala ni Police Colonel Rommel Ochave, Provincial Director ng Cebu Police Provincial Office (CPPO), ang naarestong cultivator na si “Victor”, 44, residente ng nasabing barangay.
Ayon kay Police Colonel Rommel Ochave, Provincial Director ng Cebu Police Provincial Office (CPPO), dakong alas-11:30 ng umaga nang matunton ng mga tauhan ng Balamban Municipal Police Station ng CPPO, Naval Forces Central (NAVFORCEN), Police Drug Enforcement Group Special Operating Unit 7, at Regional Intelligence Unit 7, ang lugar matapos maberipika ang mga natanggap na report ukol sa umano’y taniman ng marijuana sa lugar.
Muling tiniyak ni Police Colonel Ochave na ang kapulisan ng Cebu Province ay hindi titigil sa paghahalughog sa mga plantasyon ng halamang marijuana sa probinsya upang mapigilan ang produksyon at paglaganap nito, gayundin at maprotektahan ang mga kabataan at residente sa banta ng droga.
