Nadiskubre ng mga otoridad ang mahigit Php1,440,000 halaga ng tuyong dahon at tangkay ng marijuana na may fruiting tops sa isinagawang marijuana eradication sa Bili, Tacadang, kibungan, Benguet noong ika-11 ng Mayo 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon dahil sa pinagsanib na pwersa ng Kibungan Municipal Police Station, Provincial Intelligence unit/Provincial Drug Enforcement Unit, Benguet Police Provincial Office, Regional Intelligence Division, PRO Cordillera, at Philippine Drug Enforcement Agency-CAR.
Ayon pa kay PCol Bayongasan, ang operasyon ay binansagang “OPLAN RIVERSIDE 3” ng Benguet PNP na nagresulta sa pagkakadiskubre ng plantasyon na may mahigit kumulang 12,000 gramo ng dried marijuana stalks at fruiting tops na itinago sa isang kweba na nagkakahalaga ng tinatayang Php1,440,000 Standard Drug Price.
Ang nasabing marijuana stalks kasama ang fruiting tops ay nadokumento bago sinunog sa mismong lugar habang ang sapat na sample ay isinumite sa Regional Forensic Unit para sa Qualitative Test.
Ang matagumpay na operasyon ay patunay na ang Pambansang Pulisya katuwang ang iba’t ibang ahensya ng pamahalaan ay patuloy sa pagpapaigting ng kampanya kontra ilegal na droga sa pamamagitan ng pagpigil sa pagtatanim at transportasyon ng marijuana.
Source:
PROCORROCSMS#2405-111180
