Bukidnon – Nasamsam ang tinatayang nasa Php1,496,000 na halaga ng hinihinalang shabu sa ikinasang Search Warrant Operation ng mga tauhan ng Provincial Drug Enforcement Unit – Bukidnon at Valencia City Police Station sa Purok 16A, Poblacion, Valencia City, Bukidnon nito lamang bandang 11:02 ng gabi ng Lunes, ika-3 ng Abril 2023.
Kinilala ni Police Colonel Reynante Reyes, Provincial Director ng Bukidnon Police Provincial Office, ang mga suspek na sina alyas “Angel”, 25, kasama sa High Value Individual bilang Top 5 PNP/PDEA Regional Level; alyas “Xerxes”, 24 at alyas “Berto”, 26, kasama rin sa High Value Individual bilang Top 2 PNP/PDEA Regional Level na nakatakas sa operasyon at pawang mga residente ng nasabing lugar.
Nasamsam ang anim ng malalaking pakete ng hinihinalang shabu na may timbang na 220 na gramo na may Standard Drug Price na Php1,496,000, isang cellphone box na may laman ng paraphernalia at isang digital weighing scale.
Mahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Ang matagumpay na operasyon ay bunga ng pagsusumikap at pagpapaigting ng kampanya laban sa ilegal na droga ng Bukidnon PNP upang mapanatili ang kaayusan at kapayapaan sa nasasakupang probinsya.
Panulat ni Patrolman Joshua Fajardo/RPCADU10
