Arestado ang isang High Value Individual, matapos makuhanan ng aabot sa Php1,360,000 na halaga ng shabu sa ikinasang buy-bust operation ng pulisya sa Diversion Road, Barangay Concepcion Pequeña, Naga City nito lamang Pebrero 23, 2024.
Ang operasyon ay inilunsad bandang 7:00 ng umaga sa pangunguna ng mga operatiba ng Naga City Drug Enforcement Unit, Naga City Police Station 2, Naga City Intelligence Unit at sa pakikipagtulungan sa PDEA 5.
Kinilala ang naaresto na si alyas “Jo”, 41, residente ng Purok 2, Barangay Salugan, Camalig, Albay at naitala bilang High Value Individual.
Nakuha mula sa suspek ang pinaghihinalaang shabu na tumitimbang ng 200 gramo na may market value na Php1,360,000.
Ang suspek ay nahaharap sa kasong paglabag sa Republic Act 9165 o ang Comprehensive Dangerous Drugs Act of 2002.
Ang Pambansang Pulisya katuwang ang iba’t ibang ahensya ng pamahalaan ay patuloy sa pagpapaigting ng kampanya kontra ilegal na droga. Ito ay alinsunod sa isa sa pangunahing prayoridad ng administrasyon na labanan ang mga sindikato ng droga sa pamamagitan ng pagpigil sa kanilang mga ilegal na aktibidad at pagbuwag sa kanilang mga operasyon.
Source: PNP Kasurog Bicol
Panulat ni Pat Rodel C Grecia
