Nakumpiska ng mga awtoridad ang smuggled na sigarilyo sa isinagawang checkpoint operation sa Purok 3, Brgy. Binakalan, Gingoog City, Misamis Oriental nito lamang Abril 23, 2025.
Ayon kay Police Brigadier General Jaysen C De Guzman, Regional Director ng Police Regional Office 10, ang naturang operasyon ay pinangunahan ng 1st Maneuver Platoon, 1001st Maneuver Company, Regional Mobile Force Battalion 10, katuwang ang Gingoog City Police Station, Regional Special Operations Unit 10, at Intelligence Section ng RMFB 10.
Nabatid na naharang ang isang white ISUZU Forward Ref Van Truck na minamaneho ng isang alyas “Dodoy” 53 anyos, residente ng Aurora, Zamboanga del Sur at alyas “JM”, 19 anyos, residente ng Gitagum, Misamis Oriental.
Nakumpiska mula sa dalawang suspek ang 486 reams ng Delta brand cigarettes, 868 reams ng Cannon Menthol brand cigarettes at 377 reams ng Champion brand cigarettes na nagkakahalaga ng Php1,384,800.
Ang PRO 10 ay hindi titigil sa pagpapatupad ng batas para sa kaligtasan at kapayapaan ng mamamayan.
