Caloocan City — Tinatayang higit Php1.3 milyong halaga ng shabu ang nasamsam sa isang lalaki na tinaguriang High Value Individual sa isinagawang buy-bust operation ng Caloocan City Police Station nito lamang Biyernes, Disyembre 9, 2022.
Kinilala ni Police Colonel Ponce Rogelio Peñones Jr, ang suspek na si alyas “Kambal”, 25, residente ng No. 575 King Solomon Street, Phase 12 Brgy. 188, Caloocan City.
Ayon kay PCol Peñones Jr, dakong 8:30 ng umaga nang maaresto si alyas “Kambal” sa kanyng tinutuluyan ng mga operatiba ng District Drug Enforcement Unit ng Caloocan CPS.
Nakumpiska sa suspek ang walong transparent plastic sachet na pinaniniwalaang shabu na tumitimbang ng 200 gramo na nagkakahalaga ng Php1,360,000; isang genuine Php500; 37 piraso na pekeng Php1,000 na ginamit bilang buy-bust money; at isang sling bag na kulay itim.
Kakaharapin ng suspek ang kasong paglabag sa RA 9165 o Comprehensive Dangerous Drugs Act of 2002.
Ang kapulisan ng Northern Metro ay 24/7 na magbabantay sa lansangan upang masiguradong ligtas ang bawat isa sa banta ng kapahamakan sa kalsada at mas lalo pang paiigtingin ang kampanya kontra ilegal na droga sa lungsod ng CAMANAVA.
Source: NPD PIO
Panulat ni PSSg Remelin M Gargantos
