Pasay City – Nasabat ang tinatayang Php1.3 milyong halaga ng shabu sa dalawang suspek matapos magkasa ng buy-bust operation ang pinagsanib na pwersa ng Regional Drug Enforcement Unit (RDEU), NCRPO; at Station Drug Enforcement Unit, Pasay City Police Station nito lamang Biyernes, Agosto 18, 2023, sa EDSA corner Taft Avenue, Pasay City.
Ang nasabing operasyon ay nagyari bandang 8:00 ng gabi na humantong sa pagkakaaresto sa mga suspek na kinilalang sina Marlyn Joey, 31, at John Ronald, 21.
Nasamsam mula sa possession at control ng mga suspek ang humigit-kumulang 200 gramo ng hinihinalang shabu na may halagang Php1,360,000, isang gray na cellphone at mga perang ginamit sa transakyon.
Sasampahan ng kasong paglabag sa R.A. 9165, o mas kilala bilang “Comprehensive Dangerous Drugs Act of 2002” ang mga nahuling suspek.
Sa mensahe ni PBGen Jose Melencio C Nartatez, Jr, Regional Director ng NCRPO, pinuri niya ang mga operatiba sa mahusay na trabaho na nagresulta sa pagkakaaresto sa mga suspek at pagkakasamsam ng malaking halaga ng hinihinalang shabu at muling nagbabala na ang mga sangkot sa mga ilegal na aktibidad ay tiyak na malalagay sa likod ng rehas.
Source: PIO NCRPO
Panulat ni PSSg Remelin M Gargantos
