Nasabat ang tinatayang Php1,360,000 halaga ng ilegal na droga sa isinagawang Anti-illegal Drug Operation ng Pasacao PNP sa Barangay Odicon, Pasacao, Camarines Sur nito lamang ika-10 ng Agosto 2024.
Kinilala ang suspek na si alyas “Ron”, 41 anyos, nakatala bilang High Value Individual at residente ng nasabing lugar.
Naging matagumpay ang operasyon sa pagsisikap ng pinagsanib na pwersa ng mga operatiba ng Pasacao Municipal Police Station kasama ang mga tauhan ng Provincial Intelligence Unit (PIU), Provincial Public Drug Enforcement Unit (PPDEU), Camarines Sur 1st Provincial Mobile Force Company, 504th Maritime Police Precinct, Office of the Deputy Regional Director for Operations-Regional Police Drug Enforcement Unit 5 (ODRDO-RPDEU5) at PDEA RO 5.
Nakumpiska sa operasyon ang 200 na gramo ng pinaghihinalaang shabu na nagkakahalaga ng tinatayang Php1,360,000 at ang suspek ay mahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Ang mga programa at kampanya ng PNP Bicol ay naglalayong sugpuin ang ilegal na pagbebenta ng droga, upang masiguro ang isang ligtas at mas maayos na lipunan para sa lahat tungo sa isang ligtas na Bagong Pilipinas.
Source: Pasacao Mps Csppo
Panulat ni Pat Rodel Grecia
