Nakumpiska ang tinatayang Php1,360,000 halaga ng hinihinalang shabu sa isinagawang operasyon ng Regional Drug Enforcement Unit 9 sa Alejo Alvarez Street, Zone 1, Zamboanga City nito lamang ika-15 ng Hulyo 2024.
Kinilala ni Police Lieutenant Colonel Elmer P Solon, Chief ng Regional Drug Enforcement Unit 9, ang suspek na si alyas “Ben”, 30 taong gulang, may asawa, residente ng Alfonso Drive, San Roque Zamboanga City; alyas “Roms”, 30 taong gulang, lalaki, walang asawa; at alyas “Tata”, 40 taong gulang, lalaki at residente ng Port Area, Isabela City.
Nakumpiska mula sa mga suspek ang apat na heat-sealed transparent plastic sachets na naglalaman ng shabu na may timbang na 200 gramo na nagkakahalaga ng Php1,360,000; isang pirasong Php1,000 bill na ginamit bilang marked money; 49 na bogus money at iba pang kagamitan.
Samantala, mahaharap ang mga suspek sa kasong paglabag sa Section 5, Article 2 ng Republic Act 9165 o “Comprehensive Dangerous Drugs Act of 2002”.
Patunay lamang na ang Pambansang Pulisya ng Pilipinas katuwang ang ibang ahensya ng pamahalaan ay hindi nagpapabaya sa sinumpaang tungkulin na hulihin ang mga taong tiwalag sa batas, mapanatiling ligtas ang komunidad, at ipatupad ang kapayapaan ng bansa para sa mas maunlad na bagong Pilipinas.
Panulat ni Patrolwoman Louise Marie V Conde
