Tinatayang Php1,360,000 halaga ng hinihinalang shabu ang nasabat sa isinagawang anti-drug operation ng mga awtoridad sa Kauswagan, Cagayan de Oro City nitong ika-26 ng Mayo 2024.
Kinilala ang suspek na si alyas “Kriz”, 33 taong gulang at residente ng Iligan City.
Nadakip ang suspek sa entrapment operation ng mga operatiba ng Philippine Drug Enforcement Agency 10 – Regional Special Enforcement Team kasama ang Regional Intelligence Unit 10 at Cagayan de Oro City PNP.
Sa naturang operasyon ay nakumpiska ang nasa 200 na gramo ng hinihinalang shabu na may tinatayang street value na Php1,360,000.
Patuloy ang iba’t ibang ahensya ng pamahalaan kontra sa ilegal na droga sa bawat nasasakupan upang mapanatiling ligtas at payapa ang mga komunidad tungo sa bagong Pilipinas.
Panulat ni Pat Fajardo
