Nasabat ang mahigit Php1,360,000 halaga ng shabu ng mga operatiba ng Quezon City Police District Station 7 (Cubao) sa dalawang indibidwal sa isinagawang buy-bust operation sa tabi ng isang hotel sa kahabaan ng EDSA Southbound, Barangay San Martin De Porres, Cubao, Quezon City nito lamang Huwebes, Nobyembre 28, 2024.
Ayon kay Police Brigadier General Anthony A Aberin, Acting Regional Director ng National Capital Region Police Office, pinangunahan ng mga operatiba ng Station Drug Enforcement Unit (SDEU) ng QCPD sa pakikipag-ugnayan sa Philippine Drug Enforcement Agency-Regional Office, ang operasyon na humantong sa pagkakakumpiska ng humigit-kumulang 200 gramo ng hinihinalang shabu na may tinatayang street value na Php1,360,000, buy-bust money at iba pang non-drug items.
Nahaharap sa reklamong kriminal para sa paglabag sa Sections 5 at 11 ng Article II ng Republic Act 9165, na kilala rin bilang “Comprehensive Dangerous Drugs Act of 2002,” ang suspek.
“Pinupuri ko ang hindi natitinag na pangako ng ating mga tauhan sa pagsasagawa ng operasyong ito. Asahan ng publiko na ang lahat ng distrito ng pulisya ng NCRPO ay mapanatili ang parehong antas ng pagiging agresibo at sigasig sa ating paglaban sa ilegal na droga,” ani PBGen Aberin.
Source: PIO NCRPO
