Nakumpiska ang tinatayang Php1,360,000 halaga ng shabu mula sa dalawang lalaki sa isinagawang buy-bust operation ng Aurora Municipal Police Station (lead unit) sa Purok Santa Maria, Barangay Poblacion, Aurora, Zamboanga del Sur nito lamang ika-20 ng Marso 2024.
Kinilala ni Police Major Jake P Capitly, Officer-In-Charge ang mga suspek na sina alyas “Alley/Ali”, 49 anyos, businessman at isa pang suspek na 39 anyos, drayber at pawang mga residente ng Buadilawang, Tugaya, Lanao del Sur.
Naging matagumpay ang operasyon sa pinagsanib na pwersa ng Aurora MPS kasama ang PNP Drug Enforcement Group Special Operation Unit 9, Zamboanga del Sur Provincial Intelligence Unit, 902nd Mobile Company Regional Mobile Force Battalion 9, Zamboanga del Sur 1st Provincial Mobile Force Company, 53 Infantry Battalion ng Philippine Army at Sindangan MPS.
Nakumpiska mula sa mga suspek ang isang large size at 30 medium size ng heat-sealed transparent plastic sachet ng hinihinalang shabu na may timbang na 200 gramo at tinatayang nagkakahalaga ng Php1,360,000 at iba pang non-drug evidence.
Nahaharap ang mga suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Patunay lamang na ang Pambansang Pulisya ng Pilipinas katuwang ang ibang ahensya ng pamahalaan ay hindi nagpapabaya sa kanilang sinumpaang tungkulin na hulihin ang mga taong tiwalag sa batas, mapanatiling ligtas ang komunidad, at ipatupad ang kapayapaan ng bansa tungo sa mas ligtas, mapayapa at maunlad na Bagong Pilipinas.
Panulat ni Patrolwoman Melanie Mapa
