Naga City, Camarines Sur – Tinatayang Php1.36 milyong halaga ng shabu ang nasamsam sa isang supplier ng ilegal na droga sa buy-bust operation ng Naga City PNP sa Almeda Highway, Concepcion Pequena, Naga City nitong Sabado, Mayo 21, 2022.
Kinilala ni Police Colonel Nelson Pacalso, City Director ng Naga City Police Office, ang suspek na si Jessrael Ignacio alyas “Bong”.
Ayon kay PCol Pacalso, bumili ang isang asset sa suspek ng isang pakete ng shabu na nagkakahalaga ng Php65,000 nang makumpirma ay dito na dinakip ng mga awtoridad.
Ayon pa kay PCol Pacalso, maliban sa buy-bust item ay nakuha pa mula sa suspek ang dalawang nakabugkos na plastic na naglalaman pa ng shabu, sa kabuuan ay tinatayang nagkakahalaga ng Php1,360,000 ang nakumpiskang shabu.
Dagdag pa ni PCol Pacalso, nabawi rin sa naaresto ang buy-bust money at boodle money na ginamit sa operasyon.
Samantala, kakasuhan ang naaresto ng paglabag sa R.A 9165 o Comprehensive Dangerous Drugs Act of 2002.
Tinitiyak ni PCol Pacalso na ang Pambansang Pulisya ay patuloy na susugpuin ang mga gumagamit o nagtutulak ng ilegal na droga sa lungsod ng Naga.
Source: Naga City Police Office
###
Panulat ni Patrolman Jomar Danao
