Cagayan de Oro City – Nagsauli ng isang wallet na naglalaman ng dolyar na aabot sa Php1.2 milyon, passport at ID’s ang dalawang tauhan ng Cagayan de Oro City Police Office-Station 3 nito lamang Sabado, Oktubre 22, 2022.
Ayon kay Police Staff Sergeant Nathaniel Justiniani habang nagpapatrolya sila ni Patrolman Neil Jun Navarro, pawang nakatalaga sa Cagayan de Oro Police Office-Station 3 sa ilalim ng pamumuno ni Police Captain Ernesto Sanchez, Officer-In-Charge, nang napansin ng dalawang pulis ang naiwang wallet sa labas ng Limketkai Luxe Hotel, Cagayan de Oro City.
Walang pag-alinlangan ay agad hinanap ng dalawang pulis ang may-ari ng wallet upang personal itong ibalik.
Lubos naman ang pasasalamat ni Mrs. Evie Himparo Cougalin sa katapatan at malasakit ni PSSg Justiniani at Pat Navarro at naibalik ang kanyang pinaghirapang pera at mahahalagang dokumento.
Patunay lamang na ang Cagayan de Oro City PNP at buong hanay ng Pulisya ay patuloy sa paggawa ng kabutihan upang maipadama sa mamamayan ang pagmamalasakit, pagmamahal at pagtupad sa sinumpaang serbisyo na walang hinihinging kapalit tungo sa isang tahimik, payapa at progresibong komunidad.
Panulat ni Patrolman Edwin Baris/RPCADU 10
