Nasabat ang tinatayang Php1,258,000 halaga ng smuggled cigarettes sa isinagawang checkpoint operation ng mga otoridad sa Zone 3, Barangay Tulay, Jolo, Sulu nito lamang ika-18 ng Oktubre 2024.
Bandang 10:00 nang gabi nang ikasa ng Jolo Municipal Police Station sa pangunguna ni Police Lieutenant Colonel Annidul M Sali, Chief of Police, ang naturang operasyon sa lugar nang mapansin ang isang abandunadong Gray Toyota Tamaraw FX na may 34 na kahon ng New Far Cigarettes na may estimated value na Php1,258,000.
Patuloy naman ang Jolo PNP na magsasagawa ng malalim na imbestigasyon upang mapanagot ang nasa likod ng serye ng smuggled cigarettes.
Panulat ni Patrolwoman Ma. Señora J Agbuya
