Canumay East, Valenzuela City – Tinatayang Php1,224,000 milyong halaga ng shabu ang nasabat sa limang suspek sa buy-bust operation ng Valenzuela City Police Station nito lamang Miyerkules, Agosto 3, 2022.
Kinilala ni PBGen Ulysses G Cruz, NPD Director, ang mga suspek na sina Richard Ching y Rodriguez, Armando Garcia y Dantes alyas “Arman”, Joey Campillanos y Aro, Cerdy Diana y Cerdiño, at Romulo Echalas y Gonzales.
Ayon kay PBGen Cruz, dakong 2:15 ng madaling araw naaresto ang mga suspek sa #5 Marton Rd., Brgy., Canumay East, Valenzuela City, ng mga operatiba ng Station Drug Enforcement Unit (SDEU) ng Valenzuela CPS.
Nakumpiska sa mga suspek ang humigit kumulang 180 gramo ng hinihinalang shabu na may halagang Php1,224,000, buy-bust money sa halagang Php5,000 kasama ang Php180 sa iba’t ibang denominasyon, at isang unit ng Vivo na cellphone.
Mahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Tiniyak ni PBGen Cruz na patuloy ang kampanya kontra ilegal na droga ng Northern Police District upang mahuli ang mga nagbebenta at gumagamit ng ipinagbabawal na gamot na sumisira sa kinabukasan ng ating mga kabataan at mamamayan.
Source: PIO NCRPO
###
Panulat ni PSSg Remelin M Gargantos
